U četvrtak nešto iza 14:30 u jednoj ulici mjesnog predjela Varoš u Kaštel Sućurcu zapalio se skuter. Vrlo brzo su pripomogli susjedi i pokušali zadimljeni motorić pogasit,a li je on ipak prerastao u pravu buktinju koju su mogli pogaisti jedino vatrogasci.Vrlo brzo stiglo je njih šestorica sa navalnim kolima iz DVD-a "Mladost" i stručno odradila intervenciju, mada je za vlasnika to vrlo mala utjeha, jer mu je doslovce ostao samo kostur... Iz pera jedne promatračice!
Legla ja popodne „ubit oko“ i taman kad sam najslaje zakomila, badne me zakoniti laktom ..i adio nananje...hmmm... a možda da ni bilo tako, bila bi i ovi prespavala ka i oni veliki požar u mašogradu... Kako su mi ponistre širom otvorene, čujem ja motor... lipo doša do kuće mi (za živo čudo ni divlja, kako neki znaju, vengo čovik baš vozija onako po penzionerski...laganini).... i iz čista mira mu se udunija, baš ispod moje ponistre i susidove odrine...provaje on 2-3 puta okrenit, ponovo ga upalit ...ma ni makac... motor počeja gorit, ispočetka je to bila mala vatrica...skočili susidi, donili lavor vode, polili, malo se ka smirila...ma kad je počeja sukljat oni crni dim...vidin ja vrag odnija šalu, triba zvat vatrogasce...ko se u onoj priši moga sitit novog broja, okrenin ja 93 i dobijem St centar...sriča da sam im uspila brzo objasnit da vatra ni u ST Varošu vengo u Mašogradu..i bome brzo je došla cila ekipa..
klikni za povečanje
Ma za motor je bilo kasno..vidite ča je od njega ostalo, al sriča da je vlasnik motora u komadu...aj, je malo stradala i loza od susida, nima mu berbe grožđa ove godine... Asti...ovi put sam bila brža od @Iskrenog i @Pechine (je, je ovi zadnji je doša... al kad više ni jema ča slikat osim kostura motorina)...
